fbpx
July 06, 2022

Lo acerca Hulanda pa fondo adicional pa mas proyecto social

Share on facebook
Share on Facebook
Share on whatsapp
Share on Whatsapp
0
0
Minister Rocco Tjon: Posibel proyecto pa nos muchanan cu fondo aloca entre partner den reino
Minister Rocco Tjon: Posibel proyecto pa nos muchanan cu fondo aloca entre partner den reino


Recientemente durante un reunion a logra delinea varios idea cu director di CEDE Aruba, Daniel Tecklenborg. Hunto cu e ideanan di Ministerio di Husticia y Asuntonan Social, a mira cu tin hopi ambicion pa e plan di recuperacion di nos centro di barionan y asina crea un empuhe positivo den e area social den comunidad.

Minister Rocco Tjon a splica cu hopi informacion importante a bin dilanti y loke ta haci e empuhe social un necesidad, ta e gran cantidad di muchanan cu ta pasa tempo nan so na cas sin ningun tipo di estimulo como tambe e nivel halto di “drop outs”, unda cu hobennan no ta logra caba scol.

E mandatario a splica cu a base di e ideanan intercambia durante e reunion aki, por cuminsa explora iniciativanan pa combati e puntonan menciona y asina mehora e sosten cu por wordo brinda na nos muchanan.

Lo acerca Hulanda pa fondo adicional pa mas proyecto social

Lo acerca Hulanda pa fondo adicional pa mas proyecto socialClick link pa lesa mas: https://24ora.news/3nsWejx

Posted by 24ora on Sunday, October 24, 2021

CEDE Aruba ta conta cu recursonan internacional pa asina promove y sostene desaroyonan sostenibel sea directamente of indirectamente. Remarcabel ta e relacion special cu tin entre gobierno di Aruba, CEDE Aruba y Gobierno di Reino Hulandes, caminda ta existi un protocol unicamente entre e tres socionan aki den Reino pa por crea proyectonan y bin cu iniciativanan pa haci uzo di e fondonan aloca, danki na fondonan internacional.

Por ultimo e mandatario a señala cu hunto cu Ministerio di Husticia y Asuntonan Social, lo explora tur manera posibel pa haci uzo di e di e fondonan aki y asina promove y mehora e ayudo y sosten na nos comunidad, specialmente nos hobennan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.