fbpx
January 26, 2022

Aquannette Gunn (MAS): Si coalicion ta integro lo a sostene mocion di MAS

Share on facebook
Share on Facebook
Share on whatsapp
Share on Whatsapp
0
0
Aquannette Gunn (MAS): Si coalicion ta integro lo a sostene mocion di MAS
Aquannette Gunn (MAS): Si coalicion ta integro lo a sostene mocion di MAS


Dialuna mainta a tuma luga e reunion parlamentario pa trata e ley di screening di minister. Dicho reunion a hiba cu ne varios dialogo y algun amienda y mocion treci pa dilanti di parti di oposicion. Un mocion cu no a haya sosten di coalicion tabata esun relaciona cu mester screen minister cada pasa dos aña.

Segun Aquannette Gunn di fraccion MAS, e reunion tabata uno bastante largo y den esaki MAS a sa di sostene e ley di screening, basa riba e aspecto di integridad di e minister of e candidatonan cu ta postula nan mes pa bira minister. Riba esaki, fraccion di MAS a entrega un mocion pa urgi gobierno pa implementa den dicho ley aki, di acuerdo di ordenansa nacional, pa cada pasa dos aña screen e ministernan. Ta asina cu den un termino di cuater aña di gobernacion e ehecucion di e ley mester permanece efectivo dos biaha pa asina percura garantisa cu e ministernan ta cumpli cu e rekisitonan den e ley.

Segun Gunn, esaki ta importante pa fraccion di MAS paso segun historia a duna di conoce cu ora di huramentacion dje minister, no tin ningun problema pero cu transcurso di tempo cu cos por bay robes, por adresa e minister riba cierto situacion cu no ta bayendo bon si aplica e parti di screening cada pasa dos aña.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.