fbpx
January 26, 2022

Tin fecha nobo: Prome evento di carnaval ta dia 27 di november

Share on facebook
Share on Facebook
Share on whatsapp
Share on Whatsapp
0
0
Tin fecha nobo: Prome evento di carnaval ta dia 27 di november
Tin fecha nobo: Prome evento di carnaval ta dia 27 di november


SMAC y representante di grupo carnavalesco a reuni cu Bureau Rampenbestrijding Aruba riba e topico di carnaval y e eventonan. Dia 13 mester a tuma luga e prome evento carnavalesco, pero a tuma e decision di hala e fecha aki pa dia 27 di november.

QueenAnne Bergen, lider di Empire Carnival Group, a splica cu e reunion tabata positivo y nan a sali basta relaha. Su persona ta haya cu union ta haci forsa y semper ta importante pa tin claridad. Como pa awo Covid-19 no ta bay, mester deal cu realidad. Na caminda lo tin mas evento di carnaval y nan lo ta enfoca riba dje. Asina ey tur hende por prepara pa carnaval 2023.

E situacion financiero pa organisa carnaval ya caba tabata un reto prome cu Covid-19 y despues a bira pio. E trabou di carnaval ta uno boluntario y no ta haya hopi negoshi cu ta forma parti di esaki mas. Bergen ta haya esaki ta di lamenta y awo Covid-19 a hacie mas duro. Nan ta prepara pa aña of luna, tambe no por lubida riba e mantencion pa tur bar y truck. E ta un reto dificil, pero trahando hunto lo surpasa esey.

Fecha nobo pa evento di Carnaval ta conoci

Fecha nobo pa evento di Carnaval ta conoci

Posted by 24ora on Tuesday, November 9, 2021

Por mira cu den exterior ta tumando luga festival, y loke a bisa nan cu tin di hacie bon. Awo tin di pusha p’e porcentahe di persona vacuna subi y esey lo hacie mas trankil pa tur hende. E ta kere di haci test cu persona negativo, aunke tin cos palabra durante e reunion. Nan ta n’e caminda y a sali dje reunion unda tur a duna nan punto di bista como idea pa solucion. Importante ta cu tur partido ta riba mesun pagina.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.