fbpx
October 01, 2022

Santa Rosa: Presentacion durante Festival di Buki

Share on Facebook
Share on Whatsapp
0
0
Santa Rosa: Presentacion durante Festival di Buki
Santa Rosa: Presentacion durante Festival di Buki


Departamento di Agricultura, Cria y Pesca Santa Rosa ta aporta na un mihor conocimento riba nos tarea principal di educa y concientisa e importancia di agricultura general.

E siman di buki no tabata diferente. Santa Rosa un biaha mas dunando presentacion hunto cu colega Ludwig Rasmijn y tambe Randy Maduro di bishita na St. Paulus School na Sanicolaas. Den e siman di Festival di Buki Santa Rosa a duna un presentacion di e tema “Loke bo kier ta”. E docente ta escohe un alumno di klas y na su turno e alumno ta invita un di su mayornan.

E mayor di e alumno mester haci un presentacion di unda e mayor ta traha tur dia. Di e manera aki Departamento di Agricultura, cria y Pesca Santa Rosa a haci un presentacion di Plantamento Basico na St. Paulus School. A hiba un “Lamchi Cabrito”pa e muchanan por a mira. Nan a encanta esaki masha hopi mes y tur a haya un chens pa aprecia e “Lamchi” di serca. Despues di haya tur informacion con ta planta un simiya, a invita tur alumno pa pasa pafo y haci e practica di planta un simiya di “Boonchi di Cunuco” manera cu nan a siña den e presentacion.

E alumnonan di 1ste klas y docentenan a keda masha contento cu nan pochi chikito cu nan simia planta. Awor mester percura pa e simianan aki ricibi awa tur dia pa e mata por crese y pa e muchanan por cosecha boonchi.

Un gradicimento ta bay na e docentenan di St. Paulus School cu a permiti Santa Rosa pasa un rato ameno cu e muchanan y laganan conoce y siña un tiki di nos Sector Primario.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.