fbpx
July 06, 2022

SIWA: Ainda gobierno no a tuma decision ken ta bira director di WEB

Share on facebook
Share on Facebook
Share on whatsapp
Share on Whatsapp
0
0
SIWA: Ainda gobierno no a tuma decision ken ta bira director di WEB
SIWA: Ainda gobierno no a tuma decision ken ta bira director di WEB


“Un bon intercambio y reunion”, asina Minister Glenbert Croes a cataloga e reunion cu e tabatin awe cu e Sindicato Independiente di WEB Aruba (SIWA). E mandatario a publica e opinion ey riba su pagina di Facebook, como prueba cu tabata un bon reunion. SIWA tambe a bisa mesun cos, “e tabata un kennismaking meeting, nada particular”, di acuerdo cu Eric Henriquez, presidente di SIWA.

Ainda no a nombra director na WEB

Asina mes a delibera riba varios punto di interes comun, entre otro nombramento di un director nobo pa e compania. E sindicato a conforma cu a atende e punto ey, pero cu e minister a sigura cu ainda no a nombra ningun hende. Locual si e sindicalista a bisa despues di e reunion, pues despues cu e minister a pone nan na altura di desaroyonan rond di e procedura di reclutacion, ta cu “un cantidad enorme di hende a solicita, Arubianonan local y esunnan den exterior”, segun Eric Henriquez.

Algo cu sigur a hala masha atencion ta cu dia 2 di augustus ultimo, despues cu a anuncia cu e dos directornan di WEB a acepta un “golden handshake” for di Utilities Aruba N.V. pa nan tuma nan retiro “boluntario”, e sindicato a salli anuncia cu lo no haci e mesun eror di tempo cu a permiti pa a bin cu Oslin Boekhoudt di Valero pa bira director di WEB. “E biaha aki nos lo para riba pa un di nos mesun hendenan den compania, cu conoce e cultura di WEB, cu conoce e retonan y sa di produccion di awa y coriente, asumi e funcion ey”, asina Eric Henriquez a anuncia e tempo ey den un entrevista cu 24ora.com. Den edicion di TREMPAN di mañan lo bo lesa di e posicion cu SIWA tin awe riba e tema aki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.