fbpx
November 28, 2021

Black Friday: Problema pa grup’i Rubiano yega Merca

Share on facebook
Share on Facebook
Share on whatsapp
Share on Whatsapp
0
0
Black Friday: Problema pa grup’i Rubiano yega Merca
Black Friday: Problema pa grup’i Rubiano yega Merca


Riba un vuelo di por lo menos 135 pasahero, mitar di nan tabata “nos hendenan.” Ta trata di un vuelo di e aerolinea jetBlue cu destinacion pa Fort Lauderdale, Florida, cu tabata planea pa lanta 4:30 pm. Debi na problema cu motor, e avion no por a lanta. A haci varios intento pa toch drecha e problema, pero na final e capitan a dicidi cu; e no lo bula e avion mas pa awe.

E hecho cu a cancela e vuelo no ta un problema riba su mes. A surgi un discusion formal ora cu e aerolinea a cuminsa regla estadia y alimentacion pa tur pasahero cu no ta biba na Aruba. Mirando cu mas cu mitar di e avion tabata yena cu persona local, a sinti cu e trato no tabata husto. E Rubianonan no a ricibi ningun compensacion di parti di e aerolinea, mientras e pasaheronan ‘no residente’ si.

Black Friday: Problema pa grup’i Rubiano yega Merca

Black Friday: Problema pa grup’i Rubiano yega Merca

Posted by 24ora on Tuesday, November 23, 2021

A bisa e pasaheronan local cu nan lo ricibi un compensacion via email, cu lo dura entre shete pa dies dia pa nan ricibie. Mayoria di e pasaheronan local no lo keda mucho dia na Merca, ta bay pa haci compras pa Black Friday y djey ta regresa.

E proceso a dura largo, mirando cu mester a escolta tur pasahero bek pa sali for di e aeropuerto. E aerolinea a percura pa tur pasahero biaha mañan riba un otro vuelo pa Fort Lauderdale. Na dado momento, tres unidad di polis mester a presenta pa atende cu e situacion, pero ya e prome unidad a logra domina e situacion. Awo, e personanan local lo perde un dia di compras na Merca y lo tin un vakantie “preta preta” pa cu Black Friday. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.