fbpx
November 28, 2021

Evelyn Wever-Croes: Aruba cu nos ta biba aden awe ta danki na esfuerso di cada un

Share on facebook
Share on Facebook
Share on whatsapp
Share on Whatsapp
0
0
Evelyn Wever-Croes: Aruba cu nos ta biba aden awe ta danki na esfuerso di cada un
Evelyn Wever-Croes: Aruba cu nos ta biba aden awe ta danki na esfuerso di cada un


Awe mainta den e ballroom di Marriott a tuma luga e celebracion pa loke ta 35 aña di Aruba su Status Aparte. A anuncia algun siman pasa cu lo bay tene e conferencia aki pa celebra e logro grandi aki pa nos pais. Titulo di esaki tabata: 35 Aña di Status Aparte, Aruba ta di nos tur! Aki a elabora riba con Aruba a desaroya riba tereno economico, social y cultural, entre otro. Segun prome minister mr. Evelyn Wever-Croes a bisa cu e evento a surpasa su expectativanan. Mester tuma nota cu a habri e aña di celebracion aki memey di un pandemia ainda.

Sinembargo, cu cada luna cu a pasa por a tuma nota di recuperacion relaciona cu e pandemia. Asina a logra yega na e decision pa toch organisa un evento chikito pero significante pa celebra 35 aña di Status Aparte di Aruba. Den esaki a gradici y reconoce tur esunnan cu a contribui na esaki, entre otro Shon A. Eman, Juancho Yrausquin y Betico Croes den feliz memoria. Tambe a reconoce y gradici e esfuersonan di e prome ministernan anterior, Henny Eman, Nel Oduber y Mike Eman. “Awe mainta tabata un mainta pa celebra Aruba”. Asina cada lider politico tabatin nan rol den esaki.

Presidente di parlamento Edgard Vrolijk tambe a reflexiona riba e evento y a bisa cu e tabata un bunita programa hinca den otro. Asina el a bisa tambe cu locual a resalta tabata e momento di reflexion, caminda a enfoca riba e hecho cu pueblo mester uni mesun cos cu 35 aña pasa pa asina surpasa e retonan nos dilanti. Vrolijk a bisa cu awo mas cu nunca Aruba ta enfrentando retonan poco dificil y ta p’esey mes mester uni pa tuma decision dificil pa aki 35 aña mester celebra e 70 aña di Status Aparte lo por ta orguyoso di e decisionnan tuma awe. Mensahe cu e ta manda pa Aruba ta: “Ban uni, ban traha p’e pais aki”.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.