fbpx
November 28, 2021

Hendrik Tevreden na e sindicatonan: Ta momento pa ta solidario cu pais Aruba

Share on facebook
Share on Facebook
Share on whatsapp
Share on Whatsapp
0
0
Hendrik Tevreden na e sindicatonan: Ta momento pa ta solidario cu pais Aruba
Hendrik Tevreden na e sindicatonan: Ta momento pa ta solidario cu pais Aruba


Siman pasa durante un rueda di prensa parlamentario di fraccion di MEP, Hendrik Tevreden a puntra pa tanto gobierno como sindicato sigui na mesa di dialogo.

Tevreden a menciona di ta contento cu su peticion a haya oido y por a mira den e dianan cu a pasa cu esaki a tuma luga. Ya caba algun sindicalista por a mira e seriedad y hopi di nan ta dispuesto hasta pa sigui na mesa, mirando e situacion cu Aruba ta den dje.

Segun Tevreden, n’e momentonan aki, ora cu scucha por ehempel di sindicalistanan cu ta solidario y ta mira gravedad di e situacion y e necesidad pakico tin di tuma cierto postura y cierto accionnan pa continua na mesa cu dialogo cu Hulanda mes tambe.

Tevreden a menciona cu kere of no, e momento aki por tin diferencia di opinion cu gobierno. “Bo por tin diferencia di opinion hasta cu parlamento. Bo por tin diferencia di opinion cu Hulanda. Y e ta conta pa nos tur. Pero ta momento pa nos ta solidario, no cu gobierno, no cu Hulanda, no cu parlamento. Sino cu pais Aruba.”

E momento aki ta yama pa tur ta solidario cu pais Aruba, Tevreden a menciona. Ta momento cu parlamento ta entregando 25%. Gobierno ainda ta entregando 25%. Y e ambtenaarnan ta entregando 12.6%. Tevreden a indica cu e sa cu esaki ta trece un intrankilidad y ta haci dolor. Pero ta momento cu ta negoshando pa por sali di e pandemia cu ainda nos ta memey di dje.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.