fbpx
November 28, 2021

Lansamento di buki ‘30 jaar projectontwikkeling op Aruba’, skirbi pa Erik van Droogenbroek

Share on facebook
Share on Facebook
Share on whatsapp
Share on Whatsapp
0
0
Lansamento di buki ‘30 jaar projectontwikkeling op Aruba’, skirbi pa Erik van Droogenbroek
Lansamento di buki ‘30 jaar projectontwikkeling op Aruba’, skirbi pa Erik van Droogenbroek


Mas cu trinta projecto di cas den trinta aña. Awe, dia 24 di November sr.Erik van Droogenbroek, donjo di Better Homes Aruba, a
entrega e prome ehemplar di su buki “30 jaar projectontwikkeling op Aruba” na su Exelencia Gobernador Alfonso Boekhoudt.

E buki tin dos aña cu Van Droogenbroek tawata traha riba dj’e y e ta un bunita illustration con su persona a realisa mas cu 30 projecto di cas den e ulitimo 30 aña. Lesadornan ta hanja storianan cortico cu ta pas cu cada proyecto cu a wordo realisa durante e 30 añanan y tambe ta haña sa con dificil e comienso tabata.

Cada projecto a bin cu su challenges, specialmente den e processo di permiso cu ta cai bou departamentonan di gobierno. Pero cu perseverancia y determination Van Droogenbroek a realisa 30 projecto exitoso. Asina su compania a aporta grandemente na economia di Aruba y logra pa hopi famia tin nan propio cas. E buki ta yena cu potretnan di proyectonan con nan tabata mustra den pasado, con nan ta actual y tambe loke tin planea pa Better Homes NV den futuro. Riba mesun dia aki ela lansa e buki officialmente na Biblioteca Nacional Aruba.

E la entrega algun ehemplar na biblioteca pa e Coleccion Nacional y a splica publico presente un poco di su mes y di su buki, el’a expresa na publico presente con orguyoso e ta cu su compania por bisa cu mas cu 3% di e populashon di Aruba ta biba riba un tereno cu a wordo desaroya door di Better Homes NV. ‘’30 jaar projectontwikkeling op Aruba’’ ta na benta pa 80 florin na Plaza Bookshop, situa na Avenida Milio Croes 8 A y den L’America Gallery, situa na Italiestraat # 24- A Lok. 3.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.