fbpx
November 28, 2021

Minister Tjon kier sinta cu Stichting End Child Abuse

Share on facebook
Share on Facebook
Share on whatsapp
Share on Whatsapp
0
0
Minister Tjon kier sinta cu Stichting End Child Abuse
Minister Tjon kier sinta cu Stichting End Child Abuse


Den cuadro di e recien instala gabinete Wever-Croes II, e ministernan ta reuniendo cu varios stakeholder pa asina dialoga y adresa e puntonan crucial cu mester bay trata den e proximo cuater añanan di gobernacion. A base di esaki, por a tuma nota con Rocco Tjon, kende ta minister di husticia y asuntonan social, tambe ta cumpliendo cu esaki debidamente.

Asina Tjon a bin ta splica cu el a tuma nota di e pasion di tur e trahadonan social, en berdad nan ta enfrenta varios reto pero asina mes nan ta motiva pa nan trabou y esaki ta netamente locual ta dun’e energia pa sigui pusha di e banda di ministerio. Riba esaki, Tjon a reacciona bisando cu di parti di e ministerio tin un maneho fiho pa atende cu e parti di abuso di mucha.

Den un esfuerso pa percura cu esaki cana bon ta bay tin algun curso na comienso di luna di december pa percura cu e profesionalnan ta certifica riba e materia di tuma un studioverhoor y un kindverhoor. Pa esaki, ta renobando e studioverhoor ruimte y tambe ta analisando e maneho y e diferente leynan den esaki y e ministerio sigur ta habri pa papia cu tur hende, incluyendo Stichting Ta Basta. A reitera cu e ministerio a invita nan dos biaha pa nan reuni pero “lamentablemente nan tabata ocupa dos biaha”, segun Tjon a splica.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.