fbpx
November 28, 2021

Pastoor Marcel Balootje: Pidi cu fe

Share on facebook
Share on Facebook
Share on whatsapp
Share on Whatsapp
0
0
Pastoor Marcel Balootje: Pidi cu fe
Pastoor Marcel Balootje: Pidi cu fe


E palabra di Dios ta fiel y berdadero. Ta Hesus mes ta siña nos con nos mester pidi pa nos haña, pasobra Hesus kier pa nos sa cu tur cos ta posibel si bo tin fe.

Dios den su misericordia kier mustra nos cu ora nos ta den oracion, nos ta den intimidad cu Dios y cu no tin nada cu por entremete of stroba nos di bendicion. P’esey e ta nifica un biaha mas, cu tur locual cu nos pidi den oracion, e ta duna nos. Oracion ta intervencion di Dios todopoderoso den nos situacion.

Milager semper a existi y lo keda existi pasobra milager ta demostra Dios su misericordia y su compassion pa  hende.

Dios a bisa cu tur locual nos pidi den oracion, nos lo ricibi. Esaki ta nifica cu oracion na Dios tin poder y nos fe ta move man di Dios. Esaki ta algo cu nos mester pasa over pa nos famia y generacion.

Un herencia di fe y confiansa den Dios ta un  herencia di milager. E ta un herencia di confiansa, pasobra Dios a bendiciona Isaac debi cu Abraham su tata tabata un homber cu ta confia y a biba den obedencia na Dios (Genesis capitulo 26 vers 5).

Nos ta bibando den un tempo cu nos mester papia menos y haci mas oracion. Stop di discuti riba cos cu como humano, nos no por resolve. Hopi biaha Dios ta permiti situacion den nos bida pa nos busca  cara di Dios.

Den 2 Cronicas 7 vers 14+15  ta mustra nos un situacion asina. Caminda Dios ta bisa cu ora nos no ta mira un salida, pa nos bini bek cerca Dios y e lo scucha nos oracion, pordona nos pica y sana nos tera.

E enemigo ta purba tur manera pa gaña hende pa asina nan kere cu nan tin e situacion controla y cu solucion ta den nan man, pero esey no  ta berdad. Tur solucion ta den man di Dios y ora hende haci oracion, nan lo bay nota cu locual nan tabata lucha p’e ta solamente pa medio di Dios nan por logra.

Oracion ta halsa nos nivel  di bida. Oracion ta haci nos sabi. Tur caminda cu tin hende, oracion tambe mester t’ey y publicamente.

Ora nos tin fe den Dios  esey ta demostra cu nos tin confiansa. Nos ta Kere, nos ta mustra nos fieldad, nos ta den obedencia, cual ta hiba nos den siguridad.

Lo ta algo di gran balor, algo unico, cu lo marca historia. Un noticia cu lo core rond mundo, si den nos reunion di gobernacion caminda tur e mandatarionan ta, un hende lanta para y bisa laga nos baha nos cabes y sera nos wowo pa asina habri e reunion aki den oracion.

Awo ta e tempo cu nos tin cu uni den oracion  y demostra nos fe den Dios, pasobra Dios ta wardando riba nos pa e actua den nos fabor.   

Dios ta bisa nos cu tur locual nos pidi den oracion, e lo duna nos.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.