fbpx
November 28, 2021

Trahadonan di WEB ta bay den accion diahuebs mainta

Share on facebook
Share on Facebook
Share on whatsapp
Share on Whatsapp
0
0
Trahadonan di WEB ta bay den accion diahuebs mainta
Trahadonan di WEB ta bay den accion diahuebs mainta


No ta tur e trahadonan y tampoco esunnan afilia na e sindicato SIWA, pero e asociacion di staff profesional di WEB Aruba N.V. a anuncia cu nan lo sali den un accion diahuebs pa 11:00 am. Ta trata aki di e mayoria trahado cu no ta forma parti di e CAO sino cu tin un contracto individual (IAO) cu e compania nacional di produccion y distribucion di awa. Richard Frank, presidente di e asociacion “Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V.” a sigura cu e trahadonan ta hopi disgusta na WEB.

E trahadonan di WEB no ta di acuerdo cu a prolonga e retencion di e 12,6% te cu un proximo aviso, sin menciona un fecha final. Desde mei 2020 e trahadonan ta entregando y na 2121 a sigui corta. Tanto SIWA como VWI a bay corte pero a perde e caso dilanti hues. A apela e decision di hues y e caso ey ta andando ainda.

E directiva di e asociacion di staff profesional di WEB Aruba N.V. Nan no ta un sindicato pero si un organisacion cu ta sali pa derecho di nan miembronan.

Richard Frank a bisa cu no ta compronde dicon kier sigui retene, pasobra turismo ta bayendo miho, hotelnan ta yen, WEB bayendo miho, Aeropuerto bayendo miho y Banco Central ta papia di crecemento economico. Frank kier sa e ora unda e placa di retencion aki ta bay, pasobra FASE y subsidio di salario a stop entretanto caba. Na WEB mes nan ta premira cu pa inicio di aña nan suministro lo a yega na e mesun nivel cu na 2019, pues indicando cu economia a responde bon.

Erick Henriquez ta presidente di e sindicato SIWA cu ta representa trahadonan di WEB Aruba N.V. Nan a bisa di lo uni na e manifestacion pa 3:00 pm pero no na esun di VWI pa 11:00 am. SIWA tambe ta boga pa stop di retene 12,6% di e trahadonan pasobra economia a recupera suficiente caba.

E trahadonan di WEB como tal no ta di acuerdo cu ta sigui exigi pa nan retene parti di nan salario y beneficionan secundario pa un aña mas. Kico ta meta di nan accion pa 11:00 am no ta conoci pero a sigura cu pa 3:00 pm nan tambe lo uni na e manifestacion general. Mester menciona cu esaki ta un decision di e asociacion VWI y no di e sindicato SIWA.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.