fbpx
November 28, 2021

Programa pa guia esun cu comete acto contra moral

Share on facebook
Share on Facebook
Share on whatsapp
Share on Whatsapp
0
0
Programa pa guia esun cu comete acto contra moral
Programa pa guia esun cu comete acto contra moral


Stichting Reclassering ta un organisacion cu ta traha den colaboracion cu ministerio publico, polis y hues na Aruba riba e ‘aanpak’ di persona cu a haya nan mes den problema cu husticia. Seraida Pemberton-Leonard, director di Stichting Reclassering en Jeugdbescherming, a conta cu den e ultimo añanan a bin tuma nota di un aumento den caso di hende cu ta haya nan mes den problema cu husticia pa delito cometi contra moral y ta wak mas victima ta sali afo y entrega keha na polis. Como resultado, hopi di e casonan aki ta termina cerca nan mes.

Segun Pemberton-Leonard a bisa cu den cuadro di esaki Stichting Reclassering a hay’e necesario pa haya mas experticio y conocemento y mas herment pa con pa deal cu persona cu a cay cera pa comete delito contra moral. Na inicio di november a tene un programa intensivo cu a dura cinco dia. Den esaki e personal di Reclassering a haya varios training di con pa deal cu e personanan aki, pa entre otro, reconoce e diferencia den e ofensornan y haya conocemento di kico ta e diferente, area of tipo di guia cu e pordona aki mester haya pa e no bolbe comete un delito di tal indole.

Pemberton-Leonard a splica cu un training asina ta nobo na Aruba debi cu no tin mucho conocemento riba e tereno di ‘zedendaders’, esta persona cu a comete delito contra moral. Pues, debi cu tabatin un aumento den tipo di caso asina, tabata importante pa inventarisa riba experticio interno pa asina ataca e problema na un forma structural y directo. Y esaki tabata e obhetivo pa e proyecto cu a tuma luga. Tambe a sinta cu ministerio publico, Jeugd & Zedenpolitie como tambe KIA pa asina bin cu un manera pa hunto adresa y ataca e problemanan aki.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.