fbpx
November 28, 2021

Ta celebra Thanksgiving for di Merca te na Hulanda

Share on facebook
Share on Facebook
Share on whatsapp
Share on Whatsapp
0
0
Ta celebra Thanksgiving for di Merca te na Hulanda
Ta celebra Thanksgiving for di Merca te na Hulanda


Aunke cu no ta un celebracion oficial na Aruba, tin varios famia, cu tin custumbernan Mericano y/of Canades, ta celebra Thanksgiving. Esaki ta inicio di e temporada di fiesta cu ta bin. Pero ta bon pa conta e storia di con Thanksgiving a cuminsa y con el a bin haya e nomber aki, Dia di Accion di Gracia, manera ta yam’e na Spaño.

E dia aki no ta wordo celebra solamente na Merca, pero tin varios otro pais cu a adopt’e specialmente mirando e migrantenan Mericano cu tin na Centro America y Israel, como tambe na Brasil, algun isla di Caribe y hasta Liberia. 

Na Merca, e tradicion moderno di e dia aki, ta origina desde aña 1623, den un celebracion na Plymouth, den e actual estado di Massachusetts. Tambe ta existi evidencia cu e exploradonan Spaño na Texas a realisa celebracionnan riba e continente prome cu aña 1598 caba y fiestanan di gradicimento den colonia di Virginia. A celebra e fiesta na aña 1621 como gradicimento pa un bon cosecha. Den e añanan despues, e tradicion a continua cu e lidernan civil, manera e gobernador William Bradford, cu a planea pa celebra e dia y yuda na 1623.

Na Merca ta celebra e dia aki riba e di cuater diahuebs di november mientras cu na Canada ta celebr’e riba e di dos dialuna di october. Aunke cu Thanksgiving tin rais historico den tradicionnan religioso y cultural, toch el a bira un fiesta grandi e ultimo decadanan aki. 

Pieterskerk na Leiden, Hulanda.

Kisas hopi no sa, pero Thanksgiving ta hasta conoci na Madre Patria, Hulanda. Hopi fiel religioso cu a imigra na e platacion Plymouth a biba na Leiden entre 1609 pa 1620. Nan a batisa, ricibi, casa y a tene nan entiero na Pieterskerk. Pa conmemora esaki, tur aña riba celebracion di Thanksgiving na Merca, na Hulanda tambe ta probecha pa tene un celebracion di misa den Pieterskerk na Leiden. Na Hulanda ta observa Thanksgiving na e kerkinan Protestant riba e prome diaranson di november y ta yam’e Dankdag. Sinembargo, esaki no ta un fiesta nacional. Esunnan cu ta observa e dia aki sea ta bay Kerki mainta trempan of atardi despues di trabou. 

Despues di Thanksgiving kico? Manera cu Thanksgiving yega, mayoria negoshi ta habri for di mainta super tempran. Esey ta e diabierna siguiente di e fiesta tradicional, cu ta apertura di e temporada di compras di Pasco. Riba e dia aki, conoci como Black Friday, tiendanan ta ofrece prijsnan rebaha y hopi cliente ta acudi for di e prome oranan di dia na e diferente centronan comercial pa por probecha di e miho ofertanan. Na Aruba pocopoco e tradicion aki tambe ta drentando mas y mas, specialmente e aspecto comercial den cual tiendanan ta ofrece prijsnan cu descuento pa un solo dia.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.