fbpx
January 18, 2022

Variante Omicron detecta den diferente pais

Share on facebook
Share on Facebook
Share on whatsapp
Share on Whatsapp
0
0
Variante Omicron den diferente pais
Variante Omicron den diferente pais


Na Sur Africa a detecta un variante nobo cual a haya e nomber di Omicron y ta kere cu esaki ta mas fuerte. E virus aki a cuminsa plama na algun pais. A detecta Omicron na comienso di luna na Botswana y a yega na Hong Kong. Na Sur Africa e cientificonan ta studiando e variante aki. Desde cu a haya sa di e variante aki, hopi pais a cuminsa cera nan frontera cu pais di Sur Africa. Merca, Union Europeo, Reino Uni, Australia, Hapon, Rusia, Brasil, Saudi Arabia, Israel, Egipto, Filipina, Thailand y hopi mas a anuncia caba di prohibi vuelo dje region di Sur Africa.

Un persona a bay Hong Kong y a sali positivo di Omicron, consecuentemente nan a cera porta pa Sur Africa. Na Inglatera dos persona tambe a contagia cu e virus aki. Despues di a check di unda nan a bin, a haya sa cu nan a biaha di Sur Africa. Nan ta Isola na nan cas.

Te cu awo e paisnan cu a identifica e variante ta na Sur Africa, Botswana, Belgica, Hong Kong, Israel y Inglatera. Diaranson World Health Organization (WHO) a informa dje prome caso di variante Omicron cu ta bin di Sur Africa. E prome evidencianan a sugeri cu e infeccion aki ta di riesgo halto.

Door di e variante aki, un biaha mas rond mundo a cuminsa cu e medidanan pa ora di biahe y a pone restriccion p’e paisnan di Sur Africa cu e meta pa evita cu e virus plama. Desde diadomingo awo pa 4:00 pm ora di Inglatera, dies pais ta riba lista cora, tambe tur biahero cu yega tin di bay den cuarentena na hotel pa dies dia.

Desde diabierna Inglatera a pone Sur Africa, Namibia, Zimbabwe, Botswana, Lesotho y Eswatini riba e lista. Awe e secretario di salubridad, Sajid Javid, a informa cu riba e lista a bin acerca Angola, Mozambique, Malawi y Zambia. Javid a bisa esunnan cu a biaha p’e paisnan of cualkier otro cu ta riba lista cora den e ultimo cuater dianan tin di Isola nan mes y haci test di PCR.

Tambe a haya confirmacion di dos caso di Omnicron na Alemania y un na Italia. Ta sospecha cu tanto na Hulanda como Republica Checa tin caso di Omnicron. Na Hulanda ta investigando e 61 biahero cu a bin di Sur Africa y a test positivo pa Covid-19 diabierna y a contagia cu e variante nobo.

Experto di enfermedad infeccioso di Merca, dr. Anthony Fauci, a indica cu posiblemente e variante nobo ya caba ta n’e pais pero ainda tin di detect’e.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.