fbpx
January 18, 2022

Club Kibrahacha a tene exposicion di arte di nos adultonan mayor

Share on facebook
Share on Facebook
Share on whatsapp
Share on Whatsapp
0
0
Club Kibrahacha a tene exposicion di arte di nos adultonan mayor
Club Kibrahacha a tene exposicion di arte di nos adultonan mayor


Diadomingo mainta pa merdia a tuma luga un exposicio di arte di nos adultonan mayor organisa pa Club Kibrahacha. Aki por a mira varios pintura exponi traha pa e grandinan mas.

Vera Croes, maestra di pintura di adulto mayor na Kibrahacha a comenta cu e adultonan mayor ta pinta di loke nan ta mira. 

Normalmente nan ta pinta hopi di plachi, manera e ehempel ‘natekenen’. Pero a bay toch den experimento con nan ta mira for di un troncon un figura. Den e figuranan por crea hopi obra maestro den nan.

Croes a comenta un fo’i december nan a saca potret y na januari ta cuminsa pinta, durante te maart. A tarda tres luna pa asina bin na e idea y ehecuta e obran.

Tin grandi ta haya esaki dificil, pero una bes nan mira e reto den dje, nan ta hay’e masha leuk. Nan ta siña cos moderno y cos nobo.

Por a ripara cu hasta nan ta bende nan obra. Croes a menciona cu ta depende di cada persona si nan kier bende nan obra. Croes ta conseha cu e piesa ta unico pasobra no ta haya loke tin mas.

Por ultimo Croes ta gradici na Club Kibrahacha y tambe n’e participantenan cu nan entusiasmo pa participa den e pintura.

Mama di Ann Navas ta un di e artistanan cu a bin cu nan obra duranta e exposicion na Club Kibrahacha. Su mama ta boluntario na Kibrahacha y ta haci hopi obra di man cu e grandinan.

Hopi biaha e ta bin cu trabao cas door cu e ta hopi druk. Navas ta yuda su mama pa caba cu cierto trabao manera e acabado y cosnan chikito. Tin grandi cu no por corta bon pasobra nan man ta tembla of tin artritis, teniendo cuenta cu nan. Nan kier haci cos bunita pero ta un poco mas slow y tin cu tuma mas tempo.

Ta cosnan hopi chikito cu nan no por haci, e ora Navas y su mama ta yuda nan pa nan caba cu nan trabao, cu ta hopi bunita.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.