fbpx
January 18, 2022

Varios ekipo internacional di IQ Foil ta train na Aruba

Share on facebook
Share on Facebook
Share on whatsapp
Share on Whatsapp
0
0
Varios ekipo internacional di IQ Foil ta train na Aruba
Varios ekipo internacional di IQ Foil ta train na Aruba


Durante e proximo simannan, e awanan na Aruba lo tiña di cora cu e belanan di e ekiponan di IQ Foil Senior. Despues di un exitoso camp di entrenamento durante winter ultimo, TEAM NL a bolbe scoge Aruba pa nan entrenamento. Hunto cu e ekipo di IQ Foil Senior di Aruba nan lo subi lama, preparando p’e torneonan mundial di 2022 organisa pa World Sailing. Mayoria di e ekiponan a yega, hasta algun atleta femenino di Norwega y Peru lo uni n’e entrenamento.

E ekipo IQ Foil Senior di Aruba ta forma pa Ethan Westeram y Malik Hoveling, Tom de Vries y e campeon mundial Sarah-Quita Offringa. E ekipo di NL ta trece un ekipo grandi, incluyendo e campeon mundial Lilian de Geus y e campeon olimpico 2021 Kiran Badloe.

Ta un gran honor pa Aruba ricibi tur e profesionalnan aki. Fuera di nan propio programa di entrenamento, e profesionalnan tambe lo comparti conseho y triki den algun clinica pa ‘desaroyo di ekipo’ di Aruba, cu ta consisti di Jort Hartmans, Tame Mondria, Tijn Hartmans y David van der Varst. Ta un oportunidad excepcioal pa nos atletanan di Aruba pasa tempo cu e profesionalnan den awa y siña di nan.

E Clase IQ Foil ta un clase nobo olimpico y cu ta substitui e clase RSX Windsurf den e proximo Weganan Olimpico di Zomer di 2024. E ta un deporte hopi dinamico y espectacular pa mira. E ekiponan ta riba beach y den awa tur dia y tur hende ta invita p’e ‘hutnan’ pa tira un bista y disfruta di e ambiente nobo aki di deporte acuatico.

Ademas di e camp di entrenamento, Tom de Vries lo representa Aruba durante e Weganan Panamericano Hubenil y Junior na Cali, Colombia.  Hunto cu otro 7 atleta e lo lucha pa e medaya di oro.

Un dato interesante ta cu Aruba ta ocupa e di 11 luga riba e lista di ranking di World Sailing y tin 3 atelta entre e 80 mihonan di mundo. Esaki ta un resultado bastante impresionante y ta duna perspectiva grandi p’e proximo Weganan Olimpico na 2024.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.