Minister president mr. Evelyn Wever-Croes a duna di conoce cu Pais Aruba no tin plan pa introduccion di un QR code pa sector comercial. E declaracion aki e mandatario a haci dialuna durante un conferencia di prensa extraordinario.
A indica cu cada establecimento priva por bin cu su propio exigencianan pa haya un acceso na e establecimento, su producto y/of servicio, pero su gobierno no tin pensa di establece esaki como un regla general pa comunidad.Gabinete Wever-Croes II a yama e encuentro cu medionan di comunicacion pa anuncia restriccionnan di biahe nobo en conexion cu e variante Omnicron.
E implementacion di un QR code ta algo cu pa varios siman caba ta un realidad na e isla ruman di Corsou. Esaki ta coresponde solamente na esunnan cu ta completamente vacuna y mester mustr’e pa su control ora cu kier drenta un restaurant, cafe of evento.
Pa un version mas amplio di e noticia aki, lesa e proximo edicion di TREMPAN.
