Tin un tata di famia preocupa cu un situacion cu tin andando pa loke ta su pareha.
Di e caso aki a drenta informacion cu kisas no t’esun miho pa esunnan cu ta rond di e pareha aki.
Y e amigonan aki ta buscando tur manera p’e persona aki haya tratamento medico sea na su pais natal of na Colombia.
A puntra prome minister riba e asunto aki y na su turno a bisa cu Aruba tin un fondo (den e ministerio di husticia) dedica pa atende cu situacion manera esaki.
Den e gobernacion anterior (ex-minister Andin Bikker), den preta dos hende a bay cu Air Ambulance. Den e caso aki tin cu bay haci algo, pero te aworaki, e hende muhe aki ta na Aruba.
Vivian Krozendijk ta un persona cu ta traha hopi cerca di e pareha aki pa por yuda nan.
E ta conta cu realmente loke a conduci nan pa sali bin dilanti ta un post poni riba 24ora.com cu e Air Ambulance a trece tiki confusion. Hopi hende a yama puntra si e persona a bandona Aruba. Despues di e noticia cu a duna, e lo a haya ayudo. Krozendijk a indica cu e persona ta na hospital ainda na Aruba.
E pashent tin un tumor basta grandi cu a kita su sensibilidad di orina, af y hasta su pianan ta nenga. Fuera di esey e tin hopi dolor.
Finalmente a haya aprobacion di e gobernador di Punto Fijo pa e Air Ambulance baha eynan ya cu e fronteranan a habri bek.
Despues a bira e problema cu e Air Ambulance por bay, sinembargo pa bin bek, e frontera cu Aruba ta cera.
Sinembargo nan ta pega, ya cu e frontera di Aruba cu Venezuela ta pega. Segun Vrolijk, tin un tratado pa vuelo humanitario y di salud. Esey ta nifica cu si ta p’esey, e frontera ta habri.
Air Ambulance mester haya e OK di gobierno, e ora e persona por biaha di Aruba pa Punto Fijo den 10 minuut, unda cu tin un ambulance p’e hiba e pashent haci tur su test y haci e operacion necesario na Coro.
Pa un cobertura mas amplio lesa e edicion di TREMPAN di mañan.
