fbpx
August 10, 2022

Boostershot: Den fin di siman 3200 persona a vacuna

Share on facebook
Share on Facebook
Share on whatsapp
Share on Whatsapp
0
0
Prome minister: ‘Boostershot’ obtenibel awo pa persona 60+
Prome minister: ‘Boostershot’ obtenibel awo pa persona 60+


Manera ya ta conoci, tin un variante nobo di e virus di COVID-19 circulando rond mundo. Varios medio di comunicacion ta adresando esaki y ta percura pa un y tur keda altanto di tur novedad relaciona cu esaki. Den un conferencia di prensa tambe ya caba gobierno a anuncia cu mester keda mantene na e medidanan vigente y a sigui curasha vacunacion.

Relaciona cu esaki, prome minister Evelyn Wever-Croes a anuncia cu e fin di siman cu a pasa a cuminsa cu e famoso ‘booster shot’ pa nos grandinan, esta e personanan riba 60 aña, den cual 3.200 a logra tuma esaki. Pa diahuebs awo lo inicia cu administracion di esaki pa personal di cuido y esunnan cu nan salud ta vulnerabel.

Prome minister: ‘Boostershot’ obtenibel awo pa persona 60+

Prome minister: ‘Boostershot’ obtenibel awo pa persona 60+. Click link pa mas https://24ora.news/3o7NHnD

Posted by 24ora on Tuesday, November 30, 2021

Tambe a haya aprobacion for di Hulanda pa administra e di tres shot aki cu e condicion cu esaki bay segun categoria di edad, pues lo sigui enfoca riba e personanan di 60 aña bay ariba. Segun calculacion tin mas of menos 12.000 persona den e categoria aki cu ya a tuma nan di dos vacuna seis luna pasa y ta spera cu e personanan aki bin tuma e di tres vacuna.

Asina Wever-Croes a bisa “ban convence mas hopi hende posibel pa vacuna”, enfatisando cu esaki ta e unico proteccion pa evita cu un persona ta bira hopi malo di COVID-19 y termina den cuido intensivo. Segun Wever-Croes, 80% di e personanan cu tabata den cuido intensivo no tabata vacuna, pues ta importante pa tene esaki na cuenta.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.