fbpx
May 24, 2022

OPPA ta para pa stop inhusticia contra di pensionado

Share on facebook
Share on Facebook
Share on whatsapp
Share on Whatsapp
0
0
OPPA ta para pa stop inhusticia contra di pensionado
OPPA ta para pa stop inhusticia contra di pensionado


Den ora di mainta gobierno a reuni cu algun sindicato pa asina atende cu e asunto di recorte 12.6%. Asociacion di pensionado OPPA tambe tabata presente n’e reunion aki. Cierto informacion a sali afo contra presidente di OPPA y su persona no ta di acuerdo cu esey.

Ivo Valdes, presidente di OPPA, a indica c’un biaha mas nan a trece nan punto dilanti. Valdes ta lamenta cu tin cierto medio di comunicacion cu ta purba daña nomber. Tin un articulo bayendo rond comosifuera su persona a firma un acuerdo bilateral pa baha pension di e pensionadonan. E ta refuta loke a bisa.

Na 2006 Valdes a drenta sindicato y a sali bek na 2011. Como presidente di SIMAR e tempo ey, na 2010 nan a firma, pero no SIMAR so. E sindicatonan a firma un acuerdo bilateral caminda a haya ahustacion di salario, a haya gelijkbedrag, a haya aumento di bashi premie, tambe a cambia e mal estado di PPL pa NPL 2011. Awo ta haci cu e ta un hende cu ta haci esaki y esaya, pero e no ta un politico. “Mi no a forma un gobierno, mi no a vota pa forma un gobierno cu mi mester bah’e despues”, el a indica.

Tempo el a lucha pa 85 florin, a haci cos asina cu ne. E kier pa hende sa di kico e ta papiando. “Ivo Valdes ta riba caya simplemente pasobra inhusticia ta pasando contra e pensionadonan cu mester haya nan cen fin di luna aki”, e presidente di OPPA a bisa. Y si no hay’e, logicamente e pensionadonan ta rabia. E ta contradeci tur loke a sali riba medio liga na cierto partido politica. E no ta di acuerdo loke ta sacando pasobra e ta puro mentira.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.