fbpx
July 06, 2022

Pa prome biaha ocho cursista femenino a finalisa Formacion Social

Share on facebook
Share on Facebook
Share on whatsapp
Share on Whatsapp
0
0
Pa prome biaha ocho cursista femenino a finalisa Formacion Social
Pa prome biaha ocho cursista femenino a finalisa Formacion Social


Awe tabata un dia hopi special pasobra e grupo di Sociale Vormingstraject (SVT) femenino ta rond af e prome parti di trayectorio. Un total di ocho mucha muhe a termina e trayecto aki, cual a cuminsa cu diescuater.

Luitenant-kolonel Art van Beekhuizen, commandant van Marinierskazerne Savaneta, a bisa cu e ta kere cu a skirbi un historia awe. Esaki ta un samenwerking entre Marinierskazerne y defensa di pais Aruba pa tin un trayecto di formacion social pa hende muhe. Ocho mucha muhe a termina e trayecto. Si ta mira bek con e trayecto di hende muhe a bay, el a bay mescos cu esun di hende homber. Tur cos tin di haber cu formacion di caracter, tin di haber cu imagen propio.

Pa dies aña Aruba tin e SVT y pa aña un trayecto di hende homber pa 30 masculino. Luitenant-kolonel van Beekhuizen a bisa di awo cu tin e pacto nobo cu defensa Aruba ta pa aña tin dos trayecto.

Jessica Ras, coordinador di Formacion Social, a expresa cu e ta un parti bunita pasobra e ta prome grupo di mucha muhe y a cuminsa na augustus. E ta un pilot group forma di diescuater mucha muhe y awe a ocho hoben a finalisa e trayecto. E dia ta uno bunita y yena di emocion, pasobra e hobennan desde weekend tabata bezig den B-vak, esta den mondi, di cual ta nan final.
E B-vak ta nan ultimo di henter trayecto. Henter siman nan a cana rond Aruba, haci diferente actividad y demostra kico nan a siña durante e cuater lunanan.

Segun Ras, e no tabata facil y p’esey e ta hopi orguyoso di e hobennan cu a logra. Como hende muhe e ta orguyoso cu nan a logra e prome parti di mucha muhe di SVT y ta spera cu pa otro aña na augustus nan por cuminsa cu e di dos grupo di mucha muhe.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.