fbpx
May 28, 2022

Inclusion ta un prioridad pa Gabinete Wever-Croes

Share on facebook
Share on Facebook
Share on whatsapp
Share on Whatsapp
0
0
Inclusion ta un prioridad pa Gabinete Wever-Croes
Inclusion ta un prioridad pa Gabinete Wever-Croes


“Vision di Gabinete Wever-Croes ta pa crea mas inclusion creando mas posibilidad pa tur ciudadano”

En conexion cu Dia Internacional di Persona cu Capacidad Limita, Prome Minister Evelyn Wever-Croes tabatin e grato honor di ricibi muchanan di Fundacion Sea Bunita Sea bo Mes diabierna 3 di december atardi. Un atardi hopi ameno na unda nos muchanan special a keda hopi contento cu e atencion cu nan a ricibi. 

Pa Gabinete Wever-Croes inclusion tin prioridad. Vision di Gabinete Wever-Croes ta pa crea mas inclusion creando mas posibilidad pa tur ciudadano, sea cu of sin limitacion. Esaki ta un paso hopi importante den e direccion pa brinda un miho calidad di bida na esnan mas vulnerable den nos comunidad. 

Prome Minister a expresa su gratitud na tur esnan cu ta haci e trabou grandi y bunita di yuda nos ciudadanonan cu limitacionnan. Gobierno ta solamente un vehiculo cu mester facilita pa e trabou aki wordo haci cu menos limitacion, desafio y reto. 

Na e ocacion tambe, e muchanan a canta ‘Happy Birthday’ pa Prome Minister kende ta cumpli aña den fin di siman aki. 
“Hunto nos ta mehora calidad di bida di tur esnan cu limitacion, cu e meta: inclusion. Pa laga ningun hende atras”, Prome Minister Evelyn Wever-Croes a enfatisa.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.