fbpx
May 28, 2022

E fondonan di 1,109 Big Macs a bay pa Fundacion Centro Man na Obra riba McDonald’s Great Day

Share on facebook
Share on Facebook
Share on whatsapp
Share on Whatsapp
0
0
E fondonan di 1,109 Big Macs a bay pa Fundacion Centro Man na Obra riba McDonald’s Great Day
E fondonan di 1,109 Big Macs a bay pa Fundacion Centro Man na Obra riba McDonald’s Great Day


Riba e dia sumamente special aki, e comunidad di Aruba a uni pa “McDonald’s Great Day”, un dia dedica na e donacion di tur benta di e famoso Big Mac na fundacion Centro Man na Obra. Na final di e dia, a calcula cu un total di mas cu 1,109 Big Macs a wordo bendi pa yuda e organisacion ‘non-profit’ cu nan mision pa duna guia laboral na personanan cu discapacidad intelectual na Aruba.

Tur 3 restaurant di McDonald’s na Aruba a participa riba e dia aki, unda cu clientenan a bin duna nan aporte na e campaña door di cumpra un Big Mac pa un bon causal. E dia a cuminsa cu embahador Rocco Franken tumando pedido di Big Macs patras di e counter hunto cu tremendo entretenimiento di Metropolis cu DJ Randy.

Mas atardi, McDonald’s Seroe Blanco a ricibi bishita di Fun Miles, cu a bin rifa diferente premio, y tambe di Unique Celebration, cu a bin haci actividad cu e muchanan. Pa finaliza e anochi, McDonald’s tabata tin Hits & Fun hunto cu nos amigonan di Buleria, Rocco Franken, Dwight Leoneta, y Josue Kelly. Nan a duna un great performance pa e muchanan y tambe e adultonan cu a bishita McDonald’s Seroe Blanco riba e anochi aki. McDonald’s Aruba, Centro Man na Obra, y tambe Great Day su embahador, Rocco Franken, kier a gradici pueblo di Aruba cu a sostene e campaña di “Great Day” y haci’e un realidad.

Full e team di McDonald’s Aruba ta orguyoso di por yuda e comunidad local pa medio di sostene iniciativanan cu ta crea miho oportunidadnan na nos ‘Rubianonan y nan futuro. Abo cu a aporta a haci bo contribucion directamente pa yuda bo prohimo, cu apesar di su abilidadnan diferente toch por bira un adulto exitoso y independiente. Danki na bo ayudo, Centro Man na Obra por continua cu su guia pa asina e personanan concerni por sigui adapta nan abilidadnan, sigui bira mas independiente, sinti nan mes mas util, y por hasta yega asina leu di haya un trabao den diferente industria. Masha danki pa bo contribucion riba e dia special aki, nos ta conta un bes mas cu bo apoyo otro aña pa McDonald’s Great Day 2022.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.