Manera ta e idicacion, tur cos ta mustra cu pronto lo tin un accion nacional riba nos isla. Pa cu esaki, a ricibi varios mensahe di diferente comerciante, mustrando nan preocupacion pa cu esaki. Durante un conferencia di prensa di gobierno, Minister Xiomara Maduro a duna di conoce cu; gobierno por entama un caso contra e sindicatonan.
Claro, comercio por agrega su mes como parti di e caso aki cu gobierno por entama contra e sindicatonan. Un Huez imparcial lo tin di dicta sea na fabor di e sindicatonan y su miembronan of na banda di gobierno y comercio. Minister Xiomara ta sinti cu cada un di nos tin di tuma nos responabilida propio y pa pone pais Aruba na prome luga.
