fbpx
May 24, 2022

Walkout na Arubus: Un ora di protesta riba 12.6%

Share on facebook
Share on Facebook
Share on whatsapp
Share on Whatsapp
0
0
Walkout na Arubus: Un ora di protesta riba 12.6%
Walkout na Arubus: Un ora di protesta riba 12.6%


Siman a habri Aruba cu protesta y walkout rond di Aruba. Esakinan ta relaciona cu e recorte di 12.6% den e salario dje trahadonan rond di nos isla. E trahadonan di Arubus tambe a sali y demostra nan malcontento cu decision di gobierno.

Asina pa mas o menos 12:00 pm nan a pone trabou abou pa un ora largo y eherce nan derecho di protesta. Alvaro Boekhoudt, shop steward di SEPPA, a bisa cu algun di e chauffeurnan si a sigui cu e transporte debidamente. 

Segun Boekhoudt, gobierno ta papia di e recorte aki como un acto di solidaridad, pero si en berdad kier papia di solidaridad pakico ta keda corta den e instancianan di gobierno so? Asina el a splica cu tin hopi compania den sector priva cu no ta entregando e 12.6% aki. 

Na su turno, Patrick Daké shop steward a splica cu e recorte aki ta afecta nan di un manera significante y cu e protesta no tin nada di haber cu politica. Segun Daké, tur e chauffeurnan y demas trahado por confirma cu e efecto ta duro riba nan salario. Den tur esaki, tambe e trahadonan di Arubus tin cinco aña ta pleita pa aumento di salario, pero ta keda pospone esaki cada rato. Como shop steward nan a pidi reunion cu minister na varios ocasion, pero no a haya oido y ta p’esey tambe cu awe nan a sali afo pa manda e mensahe bon cla cu nan no lo acepta e recorte mas.

Walkout na Arubus

Walkout na Arubus

Posted by 24ora on Monday, December 6, 2021

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.