fbpx
December 06, 2022

A detene homber cu a dal trahado di restaurant

Share on Facebook
Share on Whatsapp
0
0
A detene homber cu a dal trahado di Kentucky
A detene homber cu a dal trahado di Kentucky


Diamars banda di 2or polis a bay na un restaurant na Sasaki. Un trahado cu a yuda un cliente a haye mal sirbi cu golpi. E ta un dama trahado.

E conoci di polis fam Jansen a haci un pedido. Aparentemente loke el a haya no ta loke el a pidi. Ora cu el a reclama parce cos a bay robes. E homber fam Jansen a dal e trahado un wanta of golpi na cara.

A bati alarma. Un unidad di polis a yega. A mira cu ta Jansen y pesey a pidi pa un unidad mas presenta pa sostenenan. Ora cu e transporte policial a yega nan a bay na e auto unda Jansen tabata sinta.

E tabata cu su mama y un adulto mas. Ora a bay sake for di e auto pa pone na boei e no a aprecia. El a resisti cu e polisnan y miho forma pa atende ta bay tera cune.

Asina mes e menasanan tabata directo contra polis y nan bida. Ora a caba di pone na boei ainda polis mester a scucha expresion no agradable pero mas bien menasante. Mientrastanto e debe di 11,45 a keda habri paden na Kentucky.

E mama a bay paden y cancela e debe. Si e detencion a cay ta duna indicacion cu e trahado femenino paden a entrega un keho. Polis tabata spera un resistencia di e conoci di polis Jansen. Y esaki a medio bay for di man pero a controla e situacion mesora.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.