fbpx
July 05, 2022

Manifestacion: No tin igualdad, tampoco union na momento pa bringa pa derecho humano

Share on facebook
Share on Facebook
Share on whatsapp
Share on Whatsapp
0
0
Manifestacion: No tin igualdad, tampoco union na momento pa bringa pa derecho humano
Manifestacion: No tin igualdad, tampoco union na momento pa bringa pa derecho humano


Movimiento Pro Derecho Humano a tene su manifestacion unda cu a haya sosten di hopi pa nan lucha. Nan a cana bay rumbo parlamento pa entrega manifiesto na un parlamentario. A haci esaki en conexion cu awe tabata dia Internacional di Derechonan Humano. E grupo a cana bay parlamento haciendo uzo di diferente poster pa expresa nan sentimento y no ta di acuerdo cu e decisionnan tuma, cual ta trece desunion.

Rosalinda Boekhoudt, miembro di Movimiento Pro Derecho Humano, a splica cu awe ta un dia di derecho humano y ta desea otro “happy day”, pero tanto bal si tur derecho ta keda riba papel so y no ta pone den practica. El a duna diferente entre otro vacunacion, derecho di votado, tin derecho humano pero tin varios trahado tin di entrega uniform e luna aki. El a indica cu door cu nan a haci uzo di derecho pa no vacuna, nan ta perde trabou.

Zulaika Croes-Dirksz, miembro di Movimiento Pro Derecho Humano, a vocifera cu ta mustra cu aki na Aruba no sa awe ta dia internacional di derechonan humano. Como ser humano tin su derechonan y e ta reconoci internacionalmente. Esunnan cu tabata bisti na blanco ta e grupo cu no ta di acuerdo di vacuna. E ta sinti cu no mester discrimina nan ni bully p’e decision cu nan a tuma. E ta kere cu un dia por uni forsa pa mas para hunto y no por laga gobernante dicidi ken si mag of ken no mag. Tin ley cu ta para tra’i hende y p’esey gobernante no por simplemente propaganda algo, laga e masa sigui nan y crea desunion.

Manifestacion: No tin igualdad, tampoco union na momento pa bringa pa derecho humano

Manifestacion: No tin igualdad, tampoco union na momento pa bringa pa derecho humano

Posted by 24ora on Friday, December 10, 2021

Na parlamento den nomber di tur Alrick Tromp a entrega e manifiesto na vice-presidente Raymond Kamperveen. Prome cu el a entrega e carta, Tromp a lesa e puntonan. El a splica e motibo cu a scoge e dia di aki ya cu 10 di december 1948 Asamblea General di Nacionnan Uni a declara e 30 derechonan universal di ser humano. Meta di esaki tabata pa tur ciudadano rond mundo por biba un bida di derecho. Den e carta nan pone dicon nan no ta di acuerdo cu e vacuna, entre otro cu si no vacuna ta perde trabou, si no ta vacuna no por haya trabou y hopi mas.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.