fbpx
May 24, 2022

Prome piloto Hulandes den logra: Max Verstappen campeon den Formula 1

Share on facebook
Share on Facebook
Share on whatsapp
Share on Whatsapp
0
0
Prome piloto Hulandes den logra: Max Verstappen campeon den Formula 1
Prome piloto Hulandes den logra: Max Verstappen campeon den Formula 1


E piloto Hulandes Max Verstappen a bira pa prome bes campeon di mundo den Formula 1. El a gana e circuito di Yas Marina di Grand Prix di Abu Dhabi, e ultimo di aña. Su rival Ingles Lewis Hamilton (Mercedes) a termina na di dos luga y e Spaño Carlos Sainz (Ferrari) a termina di tres.

Verstappen di 24 aña a sali dje pole pa bira e prome piloto di Hulanda pa gana e mundial y e prome pa hacie c’un motor Honda desde cu a hacie pa prome biaha na 1991. Tambe c’un McLaren dje mito Brasilero Ayrton Senna, cu a gana tres mundial pa Brasil.

Hamilton di 36 aña tabata lider di e bueltanan te ora tabata falta cinco rond. E accidente dje Canades Nicholas Latifi (Williams) a provoca e entrada riba pista dje auto di siguridad. E carera a sigui faltando un rond; y Verstappen cu taira mas fresco a probecha pa pone nan cu entrada di e “safety car”, Adelanto e shete biaha campeon di mundo y a sigura su prome titulo. El a gana 19 biaha, pero awe el a termina cu 395.5 punto pa bira e ganado dje Grand Prix di Formula 1.

Max Emilian Verstappen ta di nacional Belga-Hulandes y ta naci dia 30 di September 1998. E ta competi den Formula 1 bou bandera Hulandes cu Red Bull Racing. Na 2015 durante e Australian Grand Prix, momento cu e tabatin 17 aña, Verstappen a bira e piloto mas hoben pa competi den Formula 1. Na 2016 el a cuminsa su carera cu e team Italiano Scuderia Toro Rosso prome cu a promove p’e partner Red bull despues di cuater careda como reemplasante pa Daniil Kvyat. Cu su 18 aña el a gana e 2016 Spanish Grand Prix durante su debut cu Red Bull Racing, birando e prome piloto hoben y Hulandes pa gana un Formula 1 Grand Prix.

El a cuminsa compete cu 4 aña den karting y asina el a sigui. E ta bin di famia cu ta den mundo di competencia di auto. Verstappen ta yiu dje ex-piloto Jos Verstappen y su mama Sophie Kumpen tambe a compete den karting. Su primo Anthony Kumpen tabata participa den careda di “endurance” y a gana dos biaha NASCAR Whelen Euro Series.

Records di Verstappen ta:

Piloto hoben cu a cuminsa un carea – 2015 Australian Grand Prix;

Piloto hoben cu a score punto – 2015 Malaysian Grand Prix;

Piloto hoben cu a gana un carera – 2016 Spanish Grand Prix;

Piloto hoben cu a score un final pa podium – 2016 Spanish Grand Prix;

Piloto hoben pa guia buelta – 2016 Spanish Grand Prix;

Piloto hoben cu a pone buelta mas lihe – 2021 Austrian Grand Prix;

Esun cu a gana mas podium den un temporada – 2021 Abu Dhabi Grand Prix.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.