ELAIT – Aruba su representante den e ultimo certamen di Miss Universe 2021 Thessaly Zimmerman a sigui hala atencion, despues cu e la drenta e prome 10 nan diadomingo anochi. E portal prestigioso Hollywood Life a raporta srta Zimmerman den e 14 candidatanan cu mas a haci impacto cu nan presentacion di trahe di baño y gala. Nan ta describi e trahe di baño como un muestra di su banda ‘wild’, cu un imprenda di bestia. “E ta match e cu un parti di dos pida impresionante”, e portal ta sigui bisa. Pa loke ta esun di gala, loke a resalta segun e portal, ta cu e ta resalta su pianan. E otro paisnan cu a haya mencion, ta Albanua, Belgica, Costa Rica, Republica Checo, Republica Dominicano, Grecia, Guatemala, Haiti, Jamaica, Nigeria, Portugal, Sur Africa, y Bahamas.
