fbpx
May 24, 2022

Aruba Lions Club a reconoce Alexandra Geerman como ciudadano ehemplar

Share on facebook
Share on Facebook
Share on whatsapp
Share on Whatsapp
0
0
Aruba Lions Club a reconoce Alexandra Geerman como ciudadano ehemplar
Aruba Lions Club a reconoce Alexandra Geerman como ciudadano ehemplar


Diamars ultimo tabata un dia sumamente special pa Alexandra Geerman. Riba e dia aki el a bira e dis dos studiante ciego pa gradua Universidad di Aruba. Locual ta di subraya ta cu e no a nace cu limitacion visual sino cu problema di salud a conduci na su perdida di bista.

Sigur esaki ta algo remarcabel, pa mira determinacion y perseverancia prevalece riba nos isla. El a presenta su tesis y a logra contesta tur pregunta tambe. Na final, el a logra obtene e titulo di ‘Bedrijfs Econoom’.
 
Pa e acto remarcabel aki, Aruba Lions Club a tene un reconocemento pa Alexandra Geerman. Roccini Anthony, vice presidente di Aruba Lions Club a conta cu e club a reconoce como un ciudadano ehemplar den nos comunidad y alabes a hacie un ‘friends of Lions’.

Cu esaki e por yuda Aruba Lions Club den diferente proyecto den futuro, specialmente esunnan pa e personanan visualmente incapacita. Segun Anthony, cu esaki e club por bin compronde miho kico ta e necesidad di e grupo di persona cu limitacion visual den nos comunidad.
 
Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.