fbpx
May 28, 2022

SIMAR ta condena cu gobierno a manda polis p’e manifestantenan

Share on facebook
Share on Facebook
Share on whatsapp
Share on Whatsapp
0
0
Josephine Albertus ta condena cu gobierno a manda polis p’e manifestantenan
Josephine Albertus ta condena cu gobierno a manda polis p’e manifestantenan


Polis a presenta na Bestuurskantoor pa asina blokia e entrada di e edificio. Josephine Albertus, presidente di SIMAR a expresa n’e miembronan cu nan a bin pa mustra nan mal contento. Nan a yega na BK como hende civilisa y gobierno a manda polis manera cos cu nan a bin pa haci algo fo’i sla.

Albertus a comenta cu nan a bin pa para y mustra nan mal contento. E ta un berguensa, el a bisa. Ora cu nan bin cas di hende na momento di eleccion, nan no ta bin cu polis. Nan ta bin man habri pidi brasa cu sunchi.

Awo cu hende ta bin pa mustra nan mal contento, nan ta pone un batayon di polis, manera cos cu e manifestantenan ta bin pa kibra of kima. A bin pa para y duna un mensahe pa mustra cu loke gobierno ta haciendo no por, segun Albertus.

“Foei”. E ta un berguensa, segun Albertus, como lider sindical. Loke ta bisando hende pa keda keto y nan por haci kico cu nan kier y con cu nan kier y no tin nada mas di bisa. Ta un falta di respet p’e pueblo y tur e votadonan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.