Poco despues di 6:30 a drenta informacion cu na Caya Frere Henricus #4 na Paradijswijk a sosode algun tipo di enfrentamento entre dos persona cu arma blanco, pa cual a pidi asistencia di polis. Den e maneho di e situacion di parti di e agentenan, esakinan a saca arma reglamentario y los tiro riba e agresor y ta teme pa su bida.
Inmediatamente varios unidad a presenta tambe na e sitio y mirando e gravedad di e situacion, a marca un area grandi di distancia pa mantene tur persona leu y tambe Liliana Rasmijn, vocero suplente di Cuerpo Policial Aruba a acudi.
Te unda a ricibi informacion, e agresor no ta local, ta huur apartamento na e adres indica y ya caba dialuna marduga polis mester a bay duna asistencia pa violencia relacional
Un dama a bay busca paña na cas, mirando cu ta den proceso di separacion. Ora cu e dama tabata na cas hunto cu polis, e ex-pareha a presenta cu cuchiu. Polis a indic’e varios biaha pa laga e cuchiu cay, e no a respeta. Polis a los por lo menos dos tiro di advertencia. A pesar di esey a sigui bay den direccion di polis di forma menasante, pa cual a tira riba dje. Su situacion ta critico. No tin hopi detaye. Investigacion andando, incluyendo Landsrecherche.
