fbpx
July 06, 2022

Atleta Greg Nance na Aruba pa celebra dies aña liber di alcohol

Share on facebook
Share on Facebook
Share on whatsapp
Share on Whatsapp
0
0
Atleta Greg Nance na Aruba pa celebra dies aña liber di alcohol
Atleta Greg Nance na Aruba pa celebra dies aña liber di alcohol


Greg Nance ta un coredo di marathon y a bin Aruba pa celebra su di 10 aniversario cu el a sali fo’i bicio di bebida. Tambe p’e explora Aruba pa por core dos careda na pia.

E ta conta cu e gusta core desde cu e por corda. Y durante di varios aña el a bay mas leu. Den e ultimo 10 aña e tabata un coredo di marathon (ultra marathon runner).

E ta conta cu inicialmente el a cuminsa core bek como un manera pa stop di bebe. Nance tabata bebe demasiado hopi alcohol. Na december 2011, el a bebe su ultimo alcohol y a efectua su prome ultra marathon.

Y awo e ta na Aruba pa asina celebra su di 10 aña sin alcohol y como un coredo di marathon. Pakico a scoge Aruba, pasobra e tin un reputacion mundialmente famoso y ta un luga bunita. E ta un ‘melting pot’ di hopi cultura, bunita beach, paisahe increibel y cu costa fabuloso.

Ta p’e motibo aki mes Nance t’ey pa asina explora e costa. Awo cu ta winter na Seattle fo’i caminda e ta, el a opta pa bin Aruba, unda cu e ta haya cu ta hopi bunita.

Nance a comenta cu ya caba el a haci dos careda grandi. El a core fo’i e cuebanan di Fontein. Tambe el a subi e cero di Jamanota, cu ta e sero di mas halto mas lihe posibel.

Dos dia despues, riba dia di aña nobo, el a bay Sero Colorado, caminda el a core 23,5 miya (36 kilometer mas of menos) te cu e faro na Westpunt. (California Lighthouse).

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.