fbpx
July 05, 2022

Rubin Ponson (DOW): Di tur klapchi warda 80% ta pagara grandi

Share on facebook
Share on Facebook
Share on whatsapp
Share on Whatsapp
0
0
Rubin Ponson (DOW): Di tur klapchi warda 80% ta pagara grandi
Rubin Ponson (DOW): Di tur klapchi warda 80% ta pagara grandi


Temporada di fin di aña a pasa y a pesar di tur reto y obstaculo, Aruba a celebra esaki den gran forma y a ricibi e aña nobo cu man habri. Manera ta nos custumber, a tira algun klapchi pa core cu fucu y yama ayo na aña 2021. Rubin Ponson, experto di explosivo na DOW a conta cu despues di tur e controlnan rond di bendemento di klapchi, e prome siman di aña ta dedica, manera ta stipula den e reglanan, na cuminsa tuma tur e klapchinan cu a resta di e bendedonan. Esaki pa asina warda tur esaki den un forma sigur den e deposito di WELA.

Ponson a splica cu te awo varios punto di benta di klapchi ya a tuma contacto cu nan pa asina entrega locual cu a resta y ya tin mas of menos 1 container yen. Segun Ponson, esaki ta un cantidad significantemente menos compara cu e añanan anterior, pero locual mas ta resalta ta cu e aña aki mas di 80% di klapchi warda ta pagara y pagara grandi. Segun tin entendi, esaki ta debi na e medida cu gobierno a introduci p’e comerciantenan mester a tira e pagara den un orario trempan y asina varios a cancela nan pedido di pagara. Ponson ta spera si cu pa e aña aki nan haci uzo di esakinan pa nan no bay perdi.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.