fbpx
August 19, 2022

SADA: Gobierno no ta transparente y ta uza strategia pa hunga cu emocion di hende

Share on facebook
Share on Facebook
Share on whatsapp
Share on Whatsapp
0
0
SADA: Gobierno no ta transparente y ta uza strategia pa hunga cu emocion di hende
SADA: Gobierno no ta transparente y ta uza strategia pa hunga cu emocion di hende


Den cuadro di e aña nobo, semper ta bon pa refleha riba e aña cu a pasa pa por cuminsa adresa kico ta bay bira e plannan pa e aña nos dilanti. Manera ta conoci, e ultimo aña cu a pasa a presenta diferente reto rond di nos pais relaciona cu e medidanan na vigor pa loke ta COVID-19. Relaciona cu esaki, un y tur sigur por corda con e sindicatonan y demas trahado publico a manifesta den gran escala y na varios ocasion e aña cu a pasa pa demostra nan malcontento cu e recorte den nan salario di 12.6% imponi p’e gobierno di Gabinete Wever-Croes II. 

Corespondiente na esaki, a tene un combersacion cu presidente di sindicato SADA, esta Edward Maduro, kende a conta cu aña 2021 a bay cu hopi reto pa tur miembro como tambe ful e cuerpo di aduana y henter pais Aruba. Nan a spera cu pa prome cu aña cera nan lo tabatin un situacion un poco mas positivo, pero esaki no a resulta tampoco.

A referi aki na e situacion di e ‘rechtspositie’ di e trahadonan publico unda cu nan a bay den accion varios biaha. Maduro a splica cu esaki ta locual ta tuma luga ora cu tin di haber cu un dunado di trabou cu no ta sincero ora di sinta na mesa pa dialoga y negosha. Den e caso aki ta trata di e propio gobierno di Aruba.

Maduro a sigui splica cu tur hende ta na altura di con hopi e situacion di e 12.6% ta pisa y cu esaki ta bay keda pisa manera nan ta premira y cu esaki sigur ta algo dificil paso tur hende ta cansa di e situacion aki, specialmente di e falta di transparencia di e gobierno. Pues segun Maduro, e gobierno actual ta papia di transparencia pero ta profila net lo contrario y lamentablemente ta uza strategia pa hunga cu emocion di hende.

Pa cobertura mas amplio lesa edicion di TREMPAN mañan. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.