ZEIST – Aruba a habri aña cu e cantidad mas grandi di casonan di contagio di Covid19 segun e prome raportahe di RIVM pa e aña aki. Nan ta raporta cu den e prome siman di aña Aruba a raporta 5189 caso positivo. Na tur, tur e islanan Hulandes di Reino Hulandes den Caribe tin casonan halto. Un total di 11.260 hende a keda infecta reparti riba e 6 islanan. RIVM ta papia di ‘aumento preocupante di contagio’ riba tur e islanan. Y si reparti esaki pa isla, Aruba ta gana esaki te cu 5 di januari ultimo. E ora ey Aruba tabatin 4.142 persona infecta pa 100.000 habitante, Bonaire 1.972 persona pa 100.000 habitante, Curac?ao 2.770 persona pa 100.000 habitante, y Sint Maarten 1.430 persona pa 100.000 habitante. Tambe na Saba tabatin registro (3.337 persona pa 100.000 habitante) y Sint Eustatius (3.501 persona pa 100.000 habitante.
