fbpx
May 24, 2022

Rocco Tjon a inspecciona proyecto cu ex-Minister Bikker a laga atras

Share on facebook
Share on Facebook
Share on whatsapp
Share on Whatsapp
0
0
Rocco Tjon a inspecciona proyecto cu ex-Minister Bikker a laga atras
Rocco Tjon a inspecciona proyecto cu ex-Minister Bikker a laga atras


Recientemente, Minister di Husticia y Asuntonan Social, Rocco Tjon y APFA a haya e prome recorido na e ex-edificio di Codemsa situa na Cumana. E edifice aki lo bira un centro grandi caminda lo bay centralisa e departamanetonan di husticia. Ta un proyecto cu ex-Minister Andin Bikker a laga cla y ora su termino a termina a pas’e over pa e minister nobo di husticia.  

Segun Minister Tjon, e proyecto ta basta avansa, den e sentido cu tur e departamentonan concerni a duna di conoce kico ta nan necesidadnan y esaki conhuntamente cu APFA a wordo evalua, y como tal a haci un “indeling” di e espacio na e ex-edificio di Codemsa. E proyecto aki ta encera un parti legislativo, pues e producto di ley aki dentro di poco lo ta den Parlamento di Aruba p’asina solicita nan aprobacion pa cu e proyecto.

Danki na e proyecto aki, por deduci cu e cooperacion entre e departamentonan lo bay ta uno mucho mas miho, mirando cu procesonan lo ta mas centralisa. Na mes momento tambe esaki lo percura cu gastonan general di gobierno pa loke ta trata huur di edificio lo bay baha, mirando cu lo ubica e departamentonan den un solo edificio. Actualmente a planifica pa ubica entre seis pa shete departamento den e edificio aki.

Sinembargo e proposicion aki ta den deliberacion ainda, teniendo na cuenta cu e espacio cu tin disponibel ta uno enorme, pues kisas ainda por aloca mas departamento. Ademas di esey, ta mira tambe e logisticanan, entre otro e parti di parkeerplaats pa loke ta espacionan general cu por wordo comparti entre departamentonan. Locual tambe ta bon di e edificio aki ta cu; tin diferente departamento di husticia cu ta rekeri di nan propio entrada, pues pa e parti di privacidad pa e clientenan cu lo bin akinan, e edificio aki ta ideal, mirando cu e ta brinda tur e facilidadnan ey tambe.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.