fbpx
May 24, 2022

Persona pega den auto: Accidente cu varios persona herida na Piedra Plat

Share on facebook
Share on Facebook
Share on whatsapp
Share on Whatsapp
0
0
Persona pega den auto: Accidente cu varios persona herida na Piedra Plat
Persona pega den auto: Accidente cu varios persona herida na Piedra Plat


Un accidente basta serio a tuma luga riba caminda di Piedra Plat direccion Santa Cruz. Dilanti Richelle Beauty dos auto a dal den otro y varios persona a resulta herida. Esaki a sosode aproximadamente 7:00 pm ora cu un Hyundai Tucson blanco A-933 y un Mitsubishi Lancer color cora kima estilo bieu, pa un motibo of otro, a bay dal fuertemente den otro.

Na prome instante no tabata sigur cuanto persona tabatin herida. Ambulance a presenta y cuminsa trata e chauffeur den e Lancer y transport’e pa hospital mesora mientras a cuminsa asisti e segundo vehiculo su pasaheronan.

Den e Tucson por a tuma nota cu tin un persona pega y cu pia fractura (enkel tabata kibra). Pa e motibo aki mes a pidi presencia di materialenwagen di brandweer pa presenta y cuminsa traha pa libera e victima. Mientras cu den e vehiculo tabatin mas hende herida.

Accidente na Piedra Plat. Tin varios persona herida

Posted by 24ora on Saturday, January 8, 2022

Daño material tabata grandi, mester a corta porta por completo di dicho vehiculo pa saca e persona for di e auto.
Elmar tambe a presenta door cu a bay dal den un palo di luz tumba esaki y waya tabata colga riba caminda. Diferente unidad di polis na sitio pa yuda cera caminda como tambe tuma datos pa nan investigacion, alaves duna espacio pa demas personal tanto di ambulance, brandweer como Elmar haci nan trabou.

Un bon cooperacion entre cada un di e departamentonan cu a haci un bon trabou pa rapidamente atende cu e heridonan, habri caminda y normalisa e trafico bek. Un rato despues e takelwagen a bay cu e vehiclo for di sitio y trafico por a circula bek.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.