fbpx
May 28, 2022

A faya: A laga chauffeur cu a hit run bay sin deten’e

Share on facebook
Share on Facebook
Share on whatsapp
Share on Whatsapp
0
0
A faya: A laga chauffeur cu a hit run bay sin deten’e
A faya: A laga chauffeur cu a hit run bay sin deten’e


Tabata alrededor di 1:30 am ora cu polis a topa cu un auto marca Nissan modelo March numera A-43314 para band’i caminda riba Green Corridor, prome cu rotonde Mahuma. E chauffeur a bisa polis cu su auto a daña y cu e djis tin cu pone awa den e radiator pa e auto por sigui move.

Berdad, polis a purba di start e auto pero sin resultado. Ora e chauffeur a hinca awa den e radiator y a purba cende e auto un biaha mas, a dal den duro, e auto no a start. Corectamente e polisnan na sitio a cuminsa sospecha cu algo no ta cuadra. E auto tabatin sla fresco parti dilanti di e auto. A sospecha cu e auto tabata envolvi den un accidente recien. 

A interoga e chauffeur pa basta rato, e tabata cambia su version varios biaha. Polis cu pasenshi a splic’e cu; sea e ta cuminsa papia berdad of ta deten’e. Mirando cu tabatin un otro asistencia di polis, e patruya a duna e chauffeur y e pasahero ‘green light’ pa sigui nan caminda.

Un rato despues un otro patruya di polis a topa cu caso di hit and run den Rondweg. Aki ta caminda cu un Kia Rio color shinishi a bira victima di un caso di hit and run. A resulta cu ta un Nissan March a accidenta conta di dje y sigui bay. Un rato despues e mesun patruya a topa cu e Nissan March para riba Green Corridor net prome cu rotonde Mahuma.

A resulta, cu ta e mesun auto cu su propio colega tabata bezig cu ne un rato prome pero a laga e chauffeur bay. A takel e auto y hib’e pa warda pendiente investigacion. Falta di comunicacion sigur a hunga un rol grandi den e caso aki, mirando cu por a deten’e e chauffeur y lag’e para responsabel pa su acto. Ta castigabel pa ley pa bandona sitio despues di accidenta.  

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.