fbpx
July 06, 2022

Docente di SPO cu wega special pa conocemento di nos matanan

Share on facebook
Share on Facebook
Share on whatsapp
Share on Whatsapp
0
0
Docente di SPO cu wega special pa conocemento di nos matanan
Docente di SPO cu wega special pa conocemento di nos matanan


SPO tin un proyecto hopi interesante y educativo, specialmente p’e muchanan cu ta hayando les pa loke ta cuido di mata y bestia.

James Ocalia, ta docente di SPO pariba, a comenta cu el a publica un wega di quartet yama planta y cosecha. Mirando cu Ocalia ta duna les di e materia aki n’e scol el a ripara cu e kier traha algo cu e muchanan por uza durante les pa stimula nan y tambe pa siña nan mas di mata cu ta crece na Aruba.

E ta sigui splica cu e ta basa riba mata y berdura cu ta crece na Aruba, manera concomber chikito, yambo, pampuna, tambe diferente tipo di flor. Hungando e wega aki traha na Papiamento, ta uno colorido y simpel traha, di manera cu e muchanan ta gusta y por siña hopi lihe.

Cu ayudo di Fonds Kind en Handicap, hunto cu Stichting Prins Bernhard Fonds Caribisch Gebied, el a haya financiamento pa por efectua esaki. Asina ey por a realisa e wega aki.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.