fbpx
June 30, 2022

Compania petrolero interesa den refineria di Aruba

Share on facebook
Share on Facebook
Share on whatsapp
Share on Whatsapp
0
0
Compania petrolero interesa den refineria di Aruba
Compania petrolero interesa den refineria di Aruba


E compania Integraciones Industriales Ojeda CA, cu oficina na Venezuela pero cu pos di petroleo cerca di Barranquilla, Colombia, ta interesa pa traha cu Aruba. Nan tin e materia prima y mester un refineria pa por rafina e producto. Den esey a firma un acuerdo di principio cu e compania Star Oil, estableci na Surnam, pa por rafina nan producto. Tin un pos cu ta garantisa 50 aña di rafinacion continuo.

Recientemente e lider politico, Michael Williams, a sigura di tabata na Venezuela den negosacion cu e grupo aki, cu ta mas bien indjannan di Colombia. Nan tin un pos di petroleo riba tera y ta den proceso pa scoge un refineria cu por atende cu nan producto bruto, rafin’e y mand’e bek sea como producto final of un producto liviano cu nan por maneha ey mes. Awor ta den e proceso ey pa por keda cla cu e documentacionnan.

E compania ta trahando riba un pipa largo di unda e pos ta, pa bay lama, for di unda barco por busca e crudo y transporta pa un refineria. A haci test 2-D caba y awo ta den proceso pa a prueba 3-D. Esey ta hustifica e inversion den infrastructura pa saca e petroleo for di bou di tera.

Williams a sigura cu e ta convenci cu e grupo ta serio y cu un acuerdo cu nan lo por traduci den un oportunidad unico di reapertura di refineria na San Nicolas. Pasobra, awor aki ningun compania ta interesa pa haci e inversion pasobra nan no tin crudo. Cu e grupo aki, nan tin acceso directo na crudo, den un deal exclusivo pa rafina na Aruba so. Esey lo hustifica un inversion pa habri e refineria bek, percura pa cupo di trabou y inversion den nos economia.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.