fbpx
January 18, 2022

Edgard Vrolijk: Tin varios regla y ley den tapara pa parlamento

Share on facebook
Share on Facebook
Share on whatsapp
Share on Whatsapp
0
0
Edgard Vrolijk: Tin varios regla y ley den tapara pa parlamento
Edgard Vrolijk: Tin varios regla y ley den tapara pa parlamento


Nos ta den e di dos siman di januari 2022 y ya caba parlamento tin un bista kico lo bay sosode den e proximo seis lunanan.

Tin entre otro preparacion p’e siguiente reunionnan, entre otro riba Ombudsman y tambe e Landsverordening Aanpassing Invoerrechten bouwmateriaal, cual, segun presidente di parlamento, mr. Edgard Vrolijk, ta un prioridad pa loke t’e luna aki.

Fuera di esey tin varios otro cos pendiente, entre otro e acceso digital, cual mester keda pa comienso di februari, como tambe caba cu e Huishoudelijk Regels (reglanan di cas), cual, segun Vrolijk ta un compilacion cu tin caba y tambe algun regla nobo cu a bin di e trahadonan mes.

El a menciona cu esaki lo ta presenta na CHA (Commisie Huishoudelijk Aangelegenheden) y pa haya feedback di e parlamentarionan mes, pa asina esaki por bay den funcion den e siguiente reunionnan.

Fuera di esey a traha un ‘raamwerk’ completo pa loke ta Codigo di Conducta y pa despues e parlamentarionan haya chens pa repasa door di esaki, duna nan feedback y si mester cambio, pa nan mes traha riba dje e momento ey.

Sin lubida di ta wardando riba DOW su planificacion pa cuminsa cu un destaho publico pa drecha e parti patras di parlamento. Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.