fbpx
January 18, 2022

Tabata kier pa polis intermedia: A tira pupu dilanti su port’i cas

Share on facebook
Share on Facebook
Share on whatsapp
Share on Whatsapp
0
0
Tabata kier pa polis intermedia: A tira pupu dilanti su port’i cas
Tabata kier pa polis intermedia: A tira pupu dilanti su port’i cas


Ciudadano hopi creativo pero na mes momento sumamente iresponsabel ora el a pidi presencia di polis pa un urgencia na su cas. El a yama bisa cu un auto lo a caba di basha su cura abou, drenta su cura y tin intencion di bandona sitio.

E sucedido aki a tuma luga den careda di 9:45 am na un cas na Weg Rooi Hundo, San Nicolas. Patruya a dirigi su mes cu maximo urgencia na e sitio pero pa su sorpesa a bin topa cu algo completamente diferente.

Na yegada a bin compronde cu no tabatin un accidente grave tumando luga, mas bien a resulta cu ta e bisiña tabata kier polis interveni den problema cu tin di pupu di cacho benta abou, dilanti su port’i cas. E señora a monta ful un show. 

Polis a duna e señora un bon scual debi cu el a pone polis riba un tension basta halto, pa core cu sirena y velocidad halto, pa yega pa un accidente urgente y a resulta cu esaki tabata falso. E sucedido cu e cura ta algo bieu y no tabata e motibo pakico e tabata kier presencia di polis.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.