fbpx
June 30, 2022

UNESCO: Oportunidad pa ricibi financiamento pa proyecto

Share on facebook
Share on Facebook
Share on whatsapp
Share on Whatsapp
0
0
UNESCO: Oportunidad pa ricibi financiamento pa proyecto
UNESCO: Oportunidad pa ricibi financiamento pa proyecto


Comision Nacional di Unesco Aruba ta invita NGO’s y particularmente organisacionnan cu ta traha cu hoben, di cua nan area di trabou ta cay bou di e mandato di UNESCO, pa aplica pa financiamento di proyecto den cuadro di e Programa di Participacion 2022-2023. 

E proyecto mester ta relaciona cu promocion di educacion, ciencia, cultura y comunicacion & informacion. Lo duna preferencia na proyectonan cu tin un balor agrega pa Aruba como un “Small Island Developing State (SIDS), cu tin un caracter interdisciplinario, cu tin como meta pa mehora situacion di hende muhe y/of hobennan y ta den liña cu actividadnan di Comision Nacional di UNESCO Aruba. 

Financiamento maximo pa cada proyecto ta US$ 26,000, cu por solicita pa cubri gastonan pa: 

  • servicio di experto (ta exclui gasto di personal y gastonan administrativo); 
  • beca pa estudio of beca pa investigacion; 
  • publicacion, revista, documentacion, traduccion y reproduccion;
  • material y ekipo (cu no ta vehiculo);
  • organisacion di conferencia, reunion, traduccion y interpretacion, gastonan di biahe di participante (cu excepcion di gastonan di personal di UNESCO);
  • seminario, webinars y training. 

Mester manda aplicacion completo na Ingles y den forma digital prome cu 15 de februari 2022 na email: [email protected]. Pa e formulario (digital) cu tur instruccion mester tuma contacto cu secretariado di Comision Nacional di UNESCO Aruba na: ☏: 528-3472, 528-3524 of 528-3474 📧: [email protected].  

Diamars 18 januari 2022, secretariado di Comision Nacional di UNESCO Aruba ta organisa un reunion informativo virtual di 17:00 a 18:00. Ta recomenda pa registra pa e reunion aki uzando e siguiente link: https://zoom.us/meeting/register/tJAscu6vqD8qHdD9aG9LsBHWO7YZtPYu06qr  

Despues di inscribi, bo lo ricibi un email den cua ta confirma bo registracion.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.