fbpx
January 18, 2022

Aruba Marriott a cera aña 2021 brindando 114 asociado cu oportunidad pa un transferencia interno of promocion

Share on facebook
Share on Facebook
Share on whatsapp
Share on Whatsapp
0
0
Aruba Marriott a cera aña 2021 brindando 114 asociado cu oportunidad pa un transferencia interno of promocion
Aruba Marriott a cera aña 2021 brindando 114 asociado cu oportunidad pa un transferencia interno of promocion
Posted on 01/14/2022 8:33 am AST | Updated on 01/14/2022 8:33 am AST

(ADVERTORIAL)

PALM BEACH  –   “Take care of associates and they will take care of the customers.” Esaki ta e filosofia di Marriott su fundador nan y ta locual a establece Marriott International como un bon compania di empleo pa mas di 85 aña.  E cultura cual ta enfoca riba priorisacion di e ser humano, ta locual a brinda e compania cu varios reconocimento nan rond di mundo. Extende e oportunidad na cada asociado pa crece y ta exitoso ta parti di e empresa su DNA.

Aruba Marriott ta encarna e filosofia aki y ta orguyso di por anuncia cu den 2021, un total di 114 asociado a ricibi e oportunidad pa haci un transferencia interno of a ricibi un promocion dentro di e compania. “Nos ta comparti e bunita noticia aki cu e comunidad di Aruba yena cu orguyo, como cu e logro aki ta demostra Aruba Marriott su compromiso y enfoke continuo riba e crecemento y desaraoyo di nos asociado nan, cual ta un componente esencial di Marriott su cultura pa pone e ser humano na prome lugar.”, a comparti Ruthline Theysen – Directora di Recurso nan Humano pa e compleho di Aruba Marriott.  

Aruba Marriott ta brinda su asociado nan e oportunidad pa tuma curso nan sea ta online of den persona y alaves den tur area di habilidad y di e empresa, incluyendo curso nan di liderazgo. Asociado nan ta haya e oportunidad tambe pa haci ‘cross-training’ den otro departamento nan pa asina expande nan conocimento y duna nan e curashi pa crea nan plan di desaroyo, cu e meta pa yuda nan construi un trayecto exitoso den nan carera. 

“Nos kier felicita nos 114 asociado nan cu nan transferencia of promocion bon mereci. Nos ta orguyoso di nan pa a tuma e paso grandi aki den nan carera y ta desea nan lo miho den nan trayecto nobo.”, a comparti Ruthline Theysen – Directora di Recurso nan Humano pa e compleho di Aruba Marriott.  

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.