fbpx
January 18, 2022

Corsou a kibra record surpasando 10 mil caso activo di Covid19

Share on facebook
Share on Facebook
Share on whatsapp
Share on Whatsapp
0
0
Corsou a kibra record surpasando 10 mil caso activo di Covid19
Corsou a kibra record surpasando 10 mil caso activo di Covid19
Posted on 01/14/2022 9:56 am AST | Updated on 01/14/2022 10:00 am AST

WILLEMSTAD – Corsou diahuebs anochi a kibra record di casonan activo di Covid19, surpasando 10 mil caso. Tabata anochi laat cu e informacion a drenta di e cifranan di dia unda cu Corsou a registra no menos cu 10.801 caso activo, y pa e dia ey, atrobe riba 1000 caso, specificamente 1065 caso. Ademas e cantidad di casonan hospitalisa tambe a aumenta te na 40 di cual 15 ta den ICU. Y pa loke ta e casonan di morto, esaki ya lo a surpasa 200, mirando cu ayera tabatin mortonan pero cu ainda no a keda registra. Oficialmente e cifra ta na 199, pero esaki lo cambia awe diabierna mas sigur. 

TIME OUT

Mester bisa cu mirando e situacion siman pasa ainda, gobierno di Corsou a dicidi cu lo a bay riba un asina yama ‘Time Out’ di 10 dia, unda cu a fortifica e medidanan incluyendo cambiando ora di Toque de Queda pa 10’or di anochi y a hala apertura di scolnan te dia 17 di januari 2022. Tur medida a keda prolonga ‘cu 10 dia’ pa asina duna tempo pa e situacion ‘mehora’. Algo cu aworaki ta mira cu no ta logrando segun expertonan medico. No ta conoci si scolnan lo habri toch dialuna awor mirando e cantidad halto di contagio. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.