fbpx
June 30, 2022

Cuerpo policial a celebra hubileo y graduacion di tres agente policial

Share on facebook
Share on Facebook
Share on whatsapp
Share on Whatsapp
0
0
Cuerpo policial a celebra hubileo y graduacion di tres agente policial
Cuerpo policial a celebra hubileo y graduacion di tres agente policial


Recientemente a tuma luga un ceremonia chikito na Centro di Husticia Santa Cruz. Famia y colega a bini hunto pa e ocasion special aki. Den presencia di Irma Gordon altocomisario suplente di Polis a hiba palabra y gradicimento na Roberto L. Brown cu a cumpli 35 aña den servicio trahando y sirbiendo su pais na Cuerpo Policial Aruba.

Brown tin un trayectoria largo y cu hopi experiencia. E no ta desconoci den nos comunidad pa su creatividad carnavalesco y pa su obranan. Brown awendia ta docente na Scol di Polis E.J. Watty Vos, educando y formando hobennan pa bira polis. Pabien na Brown pa un trayectoria largo pero cu hopi logro pa a yega 35 aña den nos organisacion policial.

Dos agente policial tambe a ricibi nan diploma den nan man. Despues cu a termina nan estudio di nivel 4 MBO. Ta trata aki di agente R. Hoen y D. Chirino cu for di man di Irma Gordon a ricibi nan diploma cu exito.

Danki na famia di Brown, Hoen y Chirino pa e sosten duna na nan. Cuerpo Policial Aruba ta orguyoso di boso. Masha pabien y hopi exito!

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.