fbpx
June 30, 2022

DVG: No ta necesario test negativo fo’i persona recupera di Covid

Share on facebook
Share on Facebook
Share on whatsapp
Share on Whatsapp
0
0
DVG: No ta necesario pa exigi test negativo fo’i persona recupera di Covid
DVG: No ta necesario pa exigi test negativo fo’i persona recupera di Covid


Pa cu e ultimo dianan aki nos casonan di Covid-19 a subi drasticamente. Esaki ta trece cu ne cu por lo menos 1000 pa 1500 Covid test ta wordo haci na hospital. 

Cada un di e testnan aki tin su costo cu ne y bo testnan por keda sali positivo pa basta tempo despues cu bo recupera di Covid-19 sin cu bo ta infeccioso. Cu esaki nos kier conscientisa tur esnan cu a test positivo pa Covid-19, pa no keda ripiti test te ora cu esaki sali negativo. Pa e motibonan aki tambe nos kier concientisa tur doño di trabou como tambe tur scol cu no ta e intencion pa exigi esunnan cu a recupera recien di Covid-19 un test negativo pa por bin scol of trabou bek.

Si bo a caba di recupera di Covid-19, no ta e intencion pa bo test mas pa bo trabou of pa scol. Mester sigui e protocol di DVG, cu ta si despues di 5 dia bo tabata den isolacion y no ta sinti nada mas bo por bay traha of bay scol bek. Si acaso despues di 5 dia ta sigui malo, ta meld esaki via e link cu bo ta ricibi den e mail di DVG. 

Si bo ta den cuarentena bo mag di hasi un self-test despues di 5 dia, pero esaki no mester. Si bo no tin sintoma despues di 5 dia bo por bay traha bek. Si bo trabou of scol ta rekeri un PCR test esaki lo NO lo ta cubri door di AZV. Bo por haci e test aki na un laboratorio priva riba bo mesun gasto. 

Covid test ta importante pero nos mester hacie conscientemente. E proceso cu esaki ta hiba cu ne ta keda intenso y tur cos mester wordo haci cu hopi cuatela y precision pa cu e resultadonan. 

Sea consciente y keda tene distancia social den luganan cu hopi hende, bisti bo tapaboca y tin bo sanitzer cu bo y laba bo man bon pa asina hunto nos por atrobe baha e cantidad di casonan positivo pa dia. 

Si bo persona ta sinti malo cu sintomanan respiratorio y ainda no a test positivo pa Covid-19 den e ultimo 30 dia, por fabor isola bo mes y haci un test. Pa bo haya un cita pa haci e test bo por contact bo dokter di cas of yama 280-0101 pa solicita un code of por haci esaki via https://covid19test.healthapp.aw. Cu e code aki bo por traha un cita via bo Aruba Health app. 

Pa cualkier informacion por yama 522-4200 of 280-0101 pa preguntanan encuanto Covid-19.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.