fbpx
June 30, 2022

Heintje Ras: Ningun minister ni parlamentario tabata bonbini

Share on facebook
Share on Facebook
Share on whatsapp
Share on Whatsapp
0
0
Heintje Ras: Ningun minister ni parlamentario tabata bonbini
Heintje Ras: Ningun minister ni parlamentario tabata bonbini


Henry Ras miho conoci como Heintje Ras a pone un meta su dilanti y a logra cumpli cu esaki tambe. E meta tabata pa keda 100 dia den e mina di fosfaat, cu esaki e kier a logra recauda suficiente fondo p’asina por tin un mega museo tambe a kier a pone Aruba su nomber den laira. El a drenta e mina dia 2 di october y a sali bek dia 10 di januari, pues el a logra su meta.

Diabierna durante un conferencia di prensa, Heintje a comenta di su experiencia durante e 100 dia. El a cuminsa na bisa cu e ta para riba y lo enfrenta ken cu ta den bida real y a continua bisando cu si tabata e caso cu el a haya ayudo financiero e no lo mester a pasa e 100 dia bou tera.

Tabata pa motibo cu ningun instancia ni tampoco gobierno a yud’e, el a bay e guera aki. Ras, ta comenta cu p’e motibo ey mes e no tabatin mester di ningun minister ni tampoco parlamentario pasobra si lo a yud’e e no lo mester a bay door cu e hazaña. “Door cu nan no a yuda mi, mi no kier a weita nan durante e shen dia tampoco”, tabata Ras su palabranan.

Heintje a para riba su palabranan di kier mira ningun minister ni tampoco parlamentario. Na momento cu el a yega 100 dia, nan tabata bonbini. E dia final Minister Rocco Tjon tabata presenta y Ras a aprecia easki tambe.

Mirando cu e bida ey bou no ta mescos cu normal, tabatin momento cu e tabata den un stress cu e no kier a wak ni su sombra. Heintje Ras a bisa cu cos por a bay robes cu algun hende pero ta pa motibo di stress mes.  Cierto momento e no tabata kier ni pa hende bay ey bou mes.

Ras a finalisa bisando cu Aruba por ta contento pa motibo cu el a habri varios tour. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.